أحلى بطوط ...... Ahla Batoot

منتدي ثقافي تعليمي
 
الرئيسيةالرئيسية  التسجيلالتسجيل  دخولدخول  

شاطر | 
 

 قصيدة " علشان انت مصري " لأحمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zifagoo
عضو جديد
avatar

المساهمات : 98
تاريخ التسجيل : 05/08/2008
العمر : 38

مُساهمةموضوع: قصيدة " علشان انت مصري " لأحمد فؤاد نجم   السبت أغسطس 23, 2008 8:48 am

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى



عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك



ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله


بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق


هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت



عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

_________________
عجبتني كلمة من كلام الورق
النور شرق بين حروفها و برق
حبيت اشيلها في قلبي قالت حرام
ده انا كل قلب دخلت فيه اتحرق
عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
batoot
Admin
avatar

المساهمات : 81
تاريخ التسجيل : 03/08/2008
العمر : 22

مُساهمةموضوع: thank you   السبت أغسطس 23, 2008 7:26 pm

بصراحة عنده حق في حاجات كتير في القصيدة بس مصر برده أم الدنيا ويعني برده في حاجات حلوة فيها..
لكن على العموم موضوعك جميل يا زيفاجو باشا ..

_________________
With All My Love And Care
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Adel
عضو جديد


المساهمات : 90
تاريخ التسجيل : 04/08/2008
العمر : 57

مُساهمةموضوع: رد: قصيدة " علشان انت مصري " لأحمد فؤاد نجم   الإثنين أغسطس 25, 2008 2:12 am

والله يا مستر زيفاجو (عمر الشريف)
أنت جيئت على الجرح

وعلى الأخص الجزء الأخير

ولكن نعمل أيه هي دي بلدنا ولازم نستحمل لأن مافيش إلا هي
بس تأكد إن فرج ربنا قريب إن شاء الله

خالص تحياتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sk_1964
Admin
avatar

المساهمات : 169
تاريخ التسجيل : 03/08/2008

مُساهمةموضوع: رد: قصيدة " علشان انت مصري " لأحمد فؤاد نجم   الثلاثاء أغسطس 26, 2008 12:34 pm

القصيدة فعلا حلوة ، بس بجد مصر حلوة أ كثر ... الرا جل ده اصلا انا مش باحبه ، قليل الأدب قوي في كلامه ي عني بيئة كدة ....
ولكن في القصيدة حاجات صح و حاجات غلط ... الوحش في مصر بس الزحمة والله .. ومصر ام الدنيا وكفاية انها بلادنا ... ربنا يبارك فيها وفي المصرين ...
وتسلم يا زيفاجو على الموضوع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة " علشان انت مصري " لأحمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» "ويندوز ديفندر" تحت المجهر.. للحماية الكاملة من التجسس..
» تحليل قصيدة " الإنسان الكبير" للشاعر الجزائري " محمد الصالح باوية "
» براءة "ألف ليلة وليلة" من تهمة ازدراء الأديان وخدش الحياء
» أضرار النـــــمص، "تلقيط الحواجب"
» في قائمة صحيفة "نيويورك ويكلي" .. ليندسي لوهان أغب

صلاحيات هذا المنتدى:لاتستطيع الرد على المواضيع في هذا المنتدى
أحلى بطوط ...... Ahla Batoot :: أحلى المنتديات :: المنتدى العام-
انتقل الى: