اشعار حمار

موضوع: اشعار حمار الثلاثاء أغسطس 12, 2008 8:24 pm

اشعار حمار

عجبي عليك يابن آدم ياكبير الدار ..
قومت الدنيا وماقعدت لما قالوا حمار ..
هوّ اسمي شتيمة ولا جنسي ده عار؟ ..
خلقني ربي وخلقك ولا حدش له خيار ..
وانا مهما زاد الحمل فوقي..صابر على المشوار ..
لا في يوم اقول إشمعنى اخويا وآخد منّه تار ..
ولا يوم ابص لرزق غيري واطق منّه واغار ..
ولا ارفع في يوم عيني على جارتي واخون الجار ..
ولا مهر ادفع لحمارتي وشبكة وسوار ..
ولا شقة اجمع في تمنها ولا اجهّز دار ..
ولا حرمي حامل تتوحم عايزة الكافيار ..
ولا بنتي تخرج عن طوعي وتجيب العار ..
ولا ابني يدمن ويهلوس ويقع ينهار ..
عايش في حالي متهنّي..وليه افكار؟ ..
بآكل وباشرب وانهّق ومافيش أسرار ..
وعندي ابن آدم يخدمني ليل ونهار ..
إن جعت يشتري برسيمي بأغلى الاسعار ..
وفي مرضي يفضل يعالجني ويدعي الستّار ..
خادم امين من غير راتب ولا حتى ايجار ..
ودلوقتي عرفت يابن آدم..مين فينا الحمار؟

عضو جديد المساهمات : 20 تاريخ التسجيل : 04/08/2008

عرفت مين فينا الحمار؟؟؟؟؟؟؟؟؟؟؟؟؟
وعجبى
كلمات جميلة جدا يااستاذ عادل
وفى الاخر احب اقول للحمار
بحبك ياحمار ولعلمك ياحمار انا بزعل اوى لما حد يقولك
ياحمار

تسلم ايدك
تقبل مرورى

شكرا يا برنس على مرورك
وبارك الله فيك

عضو جديد المساهمات : 80 تاريخ التسجيل : 07/08/2008

ههههههههههههههههههههههههههههه
حلوة أوى
وبصراحة الحمار ده مظلوم وحمال قسية
لكن كلامه كله حكم
تسلم ايدك ياعادل

Admin المساهمات : 169 تاريخ التسجيل : 03/08/2008

معلش ياريت مايزعلش الحمار

وفعلا علشان هو حمار حمال آسية